Merking av turar i fjella rundt Markosvatnet

Frå:  Jostein Kleiveland

Til: Hytteforeininga v/Svein Håkon Høyvik

Oslo 19. mars 2014

Bakgrunn

Etter ein prat med hyttenaboane fekk eg ideen om at vi kunne merke ulike løyper frå Markosvatnet slik at alle kunne gå turar i den vakre naturen med fjella i nærområdet vårt.  Dette vart starten på det som kan bli ”Prosjekt merking av turstiar rundt Markosvatnet”.

Eg rår til at Hytteforeininga på Markosen tek på seg oppgåva å merke og vedlikehalde stiar til fjelltoppar i området rundt Markosvatnet.  Hytteforeininga viste at dei kunne arbeide saman og når vi fekk straum til hyttene.  Dette arbeidet skulle være enklare og ikkje så omfattande. Vi kan organisere arbeidet i grupper som kan ta ansvar for merking og vedlikehald av enkelte stiar/løyper.  Alle hyttesuldølar ved Markosen som brukar heia deltar i vedlikehald av stiane som ryddign, når dei går der.

Samarbeid med Suldal kommune og andre

Det viste seg at Suldal kommune var i gang med merking av turstiar i kommunen, så dette prosjektet vart godt tatt mot.  Suldal kommune kunne bidra med skilt og informasjonstavle frå Asker produkt. http://www.askerprodukt.no.  Dermed kan merkinga av området ”vårt” gjerast i same standardarden som resten av kommunen (og landet).  Kommunen kan og syte for maling, eller malingskode slik at alle merke får same farge.  (avhengig av budsjett) Kontaktperson i kommunen er Erik Walter Wold.

Grunneigarane for området mellom Markosvatnet, Raudafjellsnuten, Månastølsnuten og Nøkkjarvatnet er kontakta om merkinga.  Dei var velviljen sjølv, og meinte det var hyggelig at folk bruka heia.  Dei hadde ein føresetnad for bruk av heia: HUNDAR MÅ HALDAST I BAND.  Grunnen til det er at området er beite for sauer, og jakt.

Suldal Turlag er etablert i år.  Turlaget har planar om mange fine turar i heile sumarhalvåret.  Opplysningar om turar og om laget finn ein ved å søke ”Suldal turlag”  på Google.

Kva stiar skal vi merke?

Eg vil rå til at vi startar på vestsida av Markosvatnet, mot Raudafjellsnuten og Månastøsnuten. Forslag til stiar er:

Frå Markosvatnet til:

1.      Raudafjellnuten

2.      Månastølsnuten

3.      Gjøvrå

4.      Rundløype frå Markosvatnet rundt Augnastølvatnet

Oppmodar å sjå på kartet.

Oppgåver som må gjerast

Under føresetnad om at Hytteforeininga tek på seg oppgåva,

1.      finne fram til kven som er interesserte i å merke dei ulike stiane, og lage merkelag

2.      grovmerke stiane, gjerne saman med kjentfolk som er kjende med gamle stiar som er gjengrodde

3.      merke stiane med malingsflekker på trer og steinar

4.      setje opp informasjonstavle over stiane.  Forslaga er å plassere den på parkeringsplassen på Markosen

5.      setje opp skilt som viser stiar og retningar

6.      setje opp informasjonsskilt om stadnamn langs stiane.  (eksempel er gamle stølar, vatn/kjørnar og ??)  Her er det mange som kan yte hjelp.

7.      rydding av kratt langs dei valde stiane.  Kraftig greinesaks er hendig å bruke til dette arbeidet.

Kor skal vi starte

1.      På årsmøte påskeaftan 2014 vurderer ein om Markosvatnet hyttefelt skal ta på seg oppgåva å merke og halde ved like stiar rundt Markosvatnet.

2.      Årsmøte finn og fram til person/personar som kan koordinere arbeidet.

3.      Etablering av ei gruppe for kvar sti. 

4.      Kvar gruppe lagar plan for sitt arbeid

Eg (Jostein Kleiveland) kan ta ansvar for å merke løypa frå Sabrunå til Månastølsnuten og attende. 

Invitasjon til merketur til Månastølnuten søndag 8. Juni

Eg inviterer til tur frå Sabrunå (Markosvatnet) til Månastølnuten søndag 8. juni.  Frammøte Sabrunå klokka 1000. Samstundes som vi går ein fin tur skal vi merke løypa (dersom der er opphald), og rydda litt.  Men det viktigaste er turen, kose oss saman og bli kjent med ruta for dei som ikkje er kjende frå før. 

Ta med matpakke og drikke, sitjeunderlag,  nyslipt øks og/eller greinesaks.  Godt humør er ei lett bør.

Kontakt til Suldal Kommune

Dersom hytteforeininga tek på seg oppgåva, kan eg være kontaktperson til Suldal kommune. 

Eg ser fram til avgjera.